🌸રાત્રી ભોજન દૂર થશે, શરદી, શ્વાસ મટી જશે.

👉🏻 જાણ્યું છતાં અજાણ્યું.  આપણે આજે  ઘણા કામ કરવા યોગ્ય હોવા છતાંય કરતા નથી. અને ના કરવાના ઘણા કામ કરીએ છીએ. આરોગ્યના અને ધર્મના વિષય માં આવું વિશેષ જોવા મળેછે. લગ્ન સમારંભ હોય કે મિત્રો ની પાર્ટી માં જાણતા હોવા છતાં ના ખાવા નું ખાઈએ છીએ ને બહાનું આપીએ કે મિત્રો ને ખરાબ લાગે, તેમનો આગ્રહ ખૂબ જ હતો. બધાજ પારકા છે, પેટ પોતાનું છે. અંદર ભગવાન બેઠો છે. તે ભૂલી જઈએ છીએ. 

👉🏻 ઉણોદરી અને ચૌવિહાર એ જૈન ધર્મ ના આયુર્વેદ માન્ય સિદ્ધાંતો સ્વાસ્થ્ય માટે ખૂબજ ઉપયોગી છે. ચૌવિહાર એટલે સૂર્યાસ્ત પછી પાણી કે ખોરાક નું સેવન કરવું નહિ. અને ઉણોદરી એટલે ભૂખ થી અડધું ભોજન કરવું. 

👉🏻 કમળ સમાન અંગ: આપણા શરીર માં હૃદય અને હોજરી આ બંને અંગો એવા છે કે જેને કમળ સાથે સરખાવી શકાય. કાદવ માં ઉગતું ને લક્ષ્મીજી નું આશ્રયસ્થાન એવું કમળ એ સુર્યમુખી છે. સૂર્યાસ્ત પછી તેનું પોયણું બંધ થઈ જાય ને સૂર્યોદય પછી જ તે ખીલે છે. તેવી જ સ્થિતિ આપણા આ બંને અંગો ની છે. સૂર્યાસ્ત પછી હોજરી ને નાના આંતરડા ખોરાક ને વલોવવા નું ને પચાવવાનું કામ ધીમું કરી દેછે. અને સૂર્યાસ્ત પછી હૃદય ની ગતિ એક્દમ મંદ કે ધીમી થઈ જાયછે.  આ વિષય નો આયુર્વેદ ના શારંગધર સંહિતા અને સુશ્રુત સંહિતા માં ઉલ્લેખ છે.    

👉🏻 રાત્રી ભોજન થી: આજે દિવસે ને દિવસે અજીર્ણ- અપચો, કોલેસ્ટેરોલ, હૃદયરોગો, શરદી- શ્વાસના રોગો અને તેના આનુસંગિક રોગો વધતા જોવા મળે છે.  તેના ઘણા કારણો છે. તેમાં એક કારણ- આજનું રાત્રી ભોજન છે. રાત્રી ભોજન કરવાથી ખોરાક નું પાચન યોગ્ય રીતે થઈ શકતું નથી અને  ભોજન નું પાચન થાય તે પહેલા સૂઈ જવાથી ને પાચન નબળું પડવાથી ઉત્પન્ન થતા આમદોષ ની  હૃદય ને મગજ તરફ ગતિ થાયછે ને તેથી માનસિક રોગો,આંખ- નાક- કાન- ગળા ને દાંતના રોગો,  શરદી ને શ્વાસના રોગો, હૃદયના રોગો, પાચન ની નબળાઈ ના રોગો કાયમી ઘર કરી જાયછે.

👉🏻 ઉણોદરી: પેટ ના ભરવું ચારે ખૂણ : સામાન્ય  કહેવત મુજબ ભોજન કરતી વખતે કોઠા ના ચાર ભાગ કરવા. 

➖બે ભાગમાં ખોરાક, 

➖એક ભાગમાં હવા ને 

➖એક ભાગમાં પાણી રાખીને ભોજન કરવું.

પરંતુ આયુર્વેદ પ્રમાણે તો હવા, પાણી ને ખોરાક એમ સરખા ભાગે કોઠા માં જગ્યા રાખવી. એટલેકે કોઠા ના ત્રણ ભાગ કરવા. આ ઉણોદરી છે. આવી રીતે ભોજન કરવાથી કોઈ બીમારી પાસે આવે જ નહિ. બધા જ રોગો ના મૂળ કારણ જ અહી છે.... માણસ પોતાના આત્મા ઉપર કાબુ રાખ્યા વિના પશુ ની જેમ પ્રમાણ થી અધિક ભોજન કરેછે તેને રોગો ના સમુહ નું મૂળ તેવો અજીર્ણ નામનો રોગ થાયછે. આ રોગ થી બચવાનો એક માત્ર ઉપાય એટલે ઉણોદરી.

👉🏻 ગરમ પાણી :  ગરમ પાણી પીવાથી આમદોષ નું પાચન થાય, વાયુ નું શમન થાય, મળ- વાયુ નું અનુલોમન- નીચે તરફ ગતિ થાય, કફ નું નિષ્કાસન થાય, અગ્નિ પ્રદિપ્ત થાયછે. કોઈપણ વ્યક્તિ સરળતા થી અપનાવી શકે તેવું ઔષધ એટલે ગરમ પાણી છે. લગભગ રોગો ની તે દવા છે. શરદી, ખાંસી ને શ્વાસ ના દર્દી માટે તો તે ઉત્તમ ઔષધ છે. 

👉🏻આમ, આ જૈન ધર્મ ના સિદ્ધાંતો સામાન્ય માનવી પણ અપનાવશે તો સરળતા થી તંદુરસ્તી પ્રાપ્ત કરશે તે ચોક્કસ છે. 

🌹 વીરપ્રભુ નું જીવનચરિત્ર🌹

👉 વીરપ્રભુનું જીવનચરિત્ર..મહાવીર કથા અને મહાવીર ચરિત્ર પુસ્તકના આધારે..

               💢 દુર્દુરાંક દેવ💢

⭕ કેવળજ્ઞાન પછી પ્રભુનું સાતમું ચોમાસું.. રાજગૃહિમાં...

એક વખત શ્રેણિક ભગવાન પાસે બેઠા હતાં ત્યારે કોઈક કોઢીયો તેમની પાસે આવ્યો અને પરૂથી ભગવાનના ચરણને શંકા રહિત ખરડવા લાગ્યો. શ્રેણિકને આ બેહૂદું લાગ્યું. તે રાતો પીળો થયો. પણ ભગવાનની સમીપે હોવાથી કાંઈ ન બોલ્યો. તેવામાં ભગવાનને છીંક આવી એટલે તે બોલ્યો,'ઘણું જીવો' આજ વખતે સભા માં બેઠેલો કાલસૌરિક છીંક્યો એટલે તેણે કહ્યું, 'તું જીવ પણ નહિ અને મર પણ નહિ '

રાજાને તર્ક વિતર્ક થયા.ભગવાને સમજાવ્યું કે 'રાજન! મને મરણ પામો એમ કહ્યું એનો અર્થ એવો કે, "તમે મૃત્યુ બાદ નિર્વાણપદ પામવાના છો માટે જલ્દી મરશો તો ઉત્તમપદ પામશો.'તને 'જીવો' એમ કહ્યું તેનો અર્થ એમ છે કે 'તું મર્યા બાદ નરક ગતિ પામવાનો છે માટે તું વધુ જીવે એમાં જ સુખ છે.'જેથી તેટલો વખત નરક થી દૂર રહે.કાલસૌરીકને 'જીવ નહિ અને મર પણ નહિ' એમ કહ્યું તેનો અર્થ એ છે કે 'જીવશે તો પાપકર્મ કરશે અને મરશે તો નરકના દુઃખ ભોગવશે. માટે તેને માટે બન્નેમાંથી એક પણ સારૂં નથી.અભયકુમારને 'જીવો કે મરો' એમ કહ્યું તેનો અર્થ એ છે કે 'તે જીવતો હશે તો ધર્મ કરશે અને મરશે તો અનુત્તરદેવલોકમાં સુખ ભોગવશે.માટે તેને તો બધી વસ્તુ સરખી છે.'

શ્રેણીકે પૂછ્યું, "આ કોઢિયો કોણ હતો? ભગવાને કહ્યું, "કોશામ્બીમાં એક રાજા હતો. તેને એક બ્રાહ્મણે ખુશ કર્યાં. આથી રાજાએ તેને વરદાન આપ્યું. વરદાનમાં તેણે દરરોજ ભોજન અને એક સેાનામહેારની દક્ષિણા માગી. લેાભી બ્રાહ્મણ ખાઈ ખાઈ ને ઓકી નાખતો અને દક્ષિણા લઈ આવતો. આમાંથી તેને કોઢ થયો. ઘરના માણસોએ તેનો તિરસ્કાર કર્યો. તેને પસ્તાવો થયો.તેણે તેનો ચેપ તેના તેમને યુક્તિથી તે બધાને લગાડી તે બહાર ચાલ્યો ગયો. ગામના લેાકેાએ તેના કુટુંબને કાઢી મૂકયું. બ્રાહ્મણ રખડતો રખડતો ઔષધ મેળવી સાજો થઈ રાજગૃહનગરમાં આવ્યો.પોતાના બધા પુત્રોને કુષ્ટી જોઈ રાજી થયો. આ વાત સાંભળી લોકો તેના પર આક્રોશ કરવા લાગ્યા. તેથી તારા દ્વારપાળને આશ્રયે રહ્યો.તે વખતે ત્યાં દેવોએ સમવસરણ રચ્યું હતું. દ્વારપાળ પોતાની જગ્યાએ આ બ્રાહ્મણ ને  બેસાડી દેશના સાંભળવા સમવસરણમાં ગયો. તેવામાં તૃષાની વેદનાથી બ્રાહ્મણ મૃત્યુ પામી દેડકો થયો. આ દેડકાએ સમવસરણના સમાચાર સાંભળ્યા અને જાતિસ્મરણજ્ઞાન પામી ભગવંતને વાંદવાની ભાવનાથી સમવસરણ તરફ આવે છે તેટલામાં તારા ઘેાડાની ખરી તળે ચગદાઈ દેડકો મૃત્યુ પામી દુર્દુરાંક થયો. આ દેવ કુષ્ઠીનું રૂપ લઈ તારા સમકિતની પરીક્ષા કરવા અહિં આવ્યો હતો.”

શ્રેણિકે પૂછ્યું, ‘ ભગવન ! હું નરકે જઈશ ?' ભગવાને કહ્યું, "શ્રેણિક જેમ કાલ સૌરિક પાસે હિંસા મૂકાવવી, કપિલા બ્રાહ્મણી પાસે દાન અપાવવું કઠિન છે. તેમ તારે માટે નરક ટાળવી અશક્ય છે. પણ તુ ખેદ ન કર આવતી ચોવીસીમાં તું પદ્મનાભ નામે પ્રથમ તીર્થંકર થઈશ. "

શ્રેણિક સમવસરણથી રાજમહેલ તરફ વળ્યો. રસ્તામાં એક મચ્છીમારનું કામ કરતા સાધુને દેખ્યા તેમને 'આવું ન કરવું જોઇએ' તેમ સમજાવી તે આગળ ચાલ્યેા. ત્યાં સગર્ભા સાધ્વી દેખી. તેણે તેને ગુપ્ત ઘરમાં રાખી. સાધુ અને સાધ્વીનું રૂપ વિકુર્વનાર દર્દુરાંકદેવ આશ્ચર્ય પામ્યો અને પ્રગટ થઈ શ્રેણિકને કહેવા લાગ્યો, 'શ્રેણિક ઇન્દ્રે કહ્યું હતું તેમ તું ખરેખર દ્રઢ સમકીતી છે. " તેણે શ્રેણિકને સુંદર હાર અને બે ગોળા આપ્યા અને અદ્રશ્ય થઈ ગયો.

🌹સંકલન :- સોનુ ભીમાણી ✍️🌹

❤️💚💛💙💜🩵❤️🩵💜

🏵️ ગુરૂવંદનનો મહિમા...

➖➖➖➖➖➖➖➖➖

♦️ ગુરૂવંદન...

(૧) ભગવાન વીરે કહ્યું કે - હે ગૌતમ ! ગુરૂવંદન... જ્ઞાનાવરણીય વિગેરે આઠ કર્મો ગાઢ બંધનથી બાંધ્યા હોય તો ઢીલા બંધનવાળા, દીર્ઘ સ્થિતિવાળા હોય તો અલ્પ સ્થિતિવાળા તીવ્રરસ અને ઘણા પ્રદેશવાળા બાંધ્યા હોય તો તેને અલ્પપ્રદેશવાળા કરે છે. અને તેથી જીવ અનાદી અનંત સંસારમાં લાંબો કાળ પરિભ્રમણ કરતો નથી...

(૨) હે ગૌતમ ! ગુરૂવંદન કરવાથી જીવ નીચ ગોત્રના કર્મનો ક્ષય, વિનય ગુણની પ્રાપ્તિ , તીર્થંકર ભગવાનની આજ્ઞાનું પાલન , શ્રુત ધર્મની આરાધના , પુણ્યાનુબંધી પુણ્ય, ઉચ્ચ ગોત્ર કર્મનો અને સૌભાગ્ય નામકર્મનો બંધ કરે છે..

(૩) ૮૮ હજાર દાનશાળાઓ બંધાવતા જે પુણ્યનું ઉપાર્જન થાય છે. તેટલું પુણ્ય ગુરૂને સામૂહિક (ચતુર્વિધ સંઘ) વંદના દેવાથી મળે છે..

 

(૪) ગુરૂદેવની સારી રીતે સત્કાર પૂજા થાય છે. 

(૫) શ્રી કૃષ્ણે નેમિનાથ ભગવાનના અઢાર હજાર સાધુઓને ગુરુવંદન કર્યું તો તેનાથી તેમણે તીર્થંકર નામકર્મ બાંધ્યું. જેના પ્રભાવે તેઓ આવતી ચોવીસીમાં અમમનાથ નામના તીર્થંકર થવાના છે...

(૬) ગુરુવંદનના પ્રભાવે શ્રીકૃષ્ણ ક્ષાયિક સમકિત પામ્યા તેનાથી તેમની સાતમી નરક તૂટીને ત્રીજી નરક થઈ ગઈ...

(૭) તીર્થંકર ભગવાનની આજ્ઞાનું પાલન થાય છે...

(૮) ગુરૂવંદન કરતી વખતે સવારે 'રાઈઅં' અને મધ્યાહ્ન પછી 'દેવસિઅં' શબ્દ બોલવો બંને શબ્દ સાથે ન બોલાય અને ગુરુ મહારાજ પાસે રાત્રે જઈએ ત્યારે "ત્રિકાળવંદના " કહેવાનું હોય છે. ..

(૯) હે ક્ષમાશ્રમણ !  હું આપને વંદન કરવા ઈચ્છું છું. આપ ક્ષમાશ્રમણ છો . ક્ષમા  એ જ આપનો મુખ્ય વ્યાપાર છે. હું આપને વંદન કરી મારામાં પણ ક્ષમાનો ગુણ વિકાસ થવા પામે. એવી પ્રાર્થના કરું છું...

જિનાજ્ઞા વિરુદ્ધ કાંઈ પણ લખાયું હોય તો દેવ-ગુરુ-ધર્મની સાક્ષીએ ત્રિવિધે ત્રિવિધે મિચ્છા મિ દુક્કડમ્ !!🙏

' પરમનો સ્પર્શ ' - પુસ્તકને આધારે..

લક્ષ્મણા સાધ્વીજી (કથા-૧૨૬)

ઘણા જૂના સમયની આ વાત છે. એક રાજાને પુત્રો ઘણા હતા પણ પુત્રી એક પણ ન હતી. તેણે ઘણી માનતાઓ અને બાધાઓ રાખી. આખરે આ બધું તેને ફળ્યું. એક પુત્રીનો તેના ઘરે જન્મ થયો. તેનું નામ લક્ષ્મણા રાખ્યું. ખૂબ જ લાલન-પાલનથી તેનું બાળપણ પૂરું થયું અને તે યુવાન થઈ.

લક્ષ્મણા યુવાન થતાં રાજાએ તેના માટે સ્વયંવર રચ્યો. સ્વયંવર મંડપમાં લક્ષ્મણા વરમાળા લઈ ફરતી ગઈ, અને એક ઈચ્છિત વરને વરમાળા પહેરાવી. રાજાએ લગ્નમહોત્સવ કર્યો. લગ્નની વિધિ થઈ. વર કન્યા ચોરીમાં મંગળ ફેરા ફરી રહ્યાં, ત્યાં જ અચાનક વરનું મૃત્યુ થયું. લક્ષ્મણા તો અવાક થઈ ગઈ. તેને ખૂબ જ આઘાત લાગ્યો. “આવો-સંસાર!” એમ વિચારતાં તેનું મન સંસાર ઉપરથી ઊઠી ગયું. 

દઢ શ્રદ્ધાથી તે શ્રાવિકાધર્મ પાળવા લાગી અને છેવટે તેણે તે ચોવીસીના છેલ્લા તિર્થંકર પાસે દીક્ષા લીધી, અને ઘણી જ સારી રીતે દીક્ષા પાળતાં હતાં. પણ એક દિવસ એક ખૂણે ઊભેલાં ત્યાં તેમણે એક ચકલા-ચકલીને પ્રેમ કરતા જોયાં. એ દૃશ્યથી સાધ્વી લક્ષ્મણાનું યૌવન ખળભળી ઊઠ્યું. વાસનાની વૃત્તિઓ સળવળી ઊઠી. અત્યંત કામાતુર વિચારમાં તેમણે વિચાર્યું,

અરિહંત પ્રભુએ શું જોઈને આ ક્રીડા નહિ કરવાનું સાધુ-સાધ્વીને ફરમાન કર્યું હશે? પણ તેમાં તેમનો શો દોષ? ભગવાન તો અવેદી છે. આથી સવેદીજનની પીડાઓની તેમને શું ખબર પડે?”.

આ પ્રશ્ન આંખના એક પલકારાની જેમ જ ઉદ્બ ભવ્યો. તરત જ બીજી પળે પોતે સાવધાન થઈ ગયાં પોતાની કુવિચારધારાથી ચમકી ઊઠ્યાં. પસ્તાવો કરવા લાગ્યાં. અરેરે! મેં ખૂબ જ ખોટો વિચાર કર્યો. ન વિચારવાનું વિચાર્યું મારાથી આ એક મહાપાપ થઈ ગયું. મારે તેની આલોયણા કરવી જોઈએ. 

પણ મને આવો કામી વિચાર આવ્યો તે તો હું કહી શકું તેમ નથી અને ન કહું તો શલ્ય રહી જાય છે. અને એ શલ્ય રહી જાય તો હું શુદ્ધ તો થઈશ નહિ. કામની કામના વિનાના ઘણા વિચારને અંતે તે ગુરુ પાસે આલોયણા લેવા નીકળ્યા. ચાલતાં ચાલતાં રસ્તામાં પગમાં કાંટો વાગ્યો. એ અપશુકનથી સાચી વાત ગુરુને કહી દેવા તૈયાર થયેલું મન પાછું પડ્યું....

છેવટે તેમણે બીજાનું નામ દઈને પૂછવું, “ગુરુદેવ! જે આવું દૂરધ્યાન  કરે તેને શું પ્રાયશ્ચિત્ત આવે?

ગુરુજીએ સ્પષ્ટતા કરવા કહ્યું પણ તે ન કરી શક્યાં. ગુરુ પાસેથી પ્રાયશ્ચિત્ત જાણી લીધું. તે પ્રમાણે તેમણે પચાસ વરસ સુધી નીચે પ્રમાણે તપ કર્યો.

છઠ્ઠ, અઠ્ઠમ, ચાર ઉપવાસ અને પાંચ ઉપવાસ કરી દસ વર્ષ ઉગ્ર તપશ્ચર્યા કરી. બે વર્ષ માત્ર નિર્લેપ ચણાનો આહાર લીધો. બે વર્ષ ફક્ત ભૂજેલા ચણાનો આહાર લીધો, સોળ વર્ષ માસ ક્ષમણ કર્યા અને વીસ વર્ષ આયંબીલ તપ કર્યું. આમ, લક્ષ્મણા સાધ્વીજીએ ઉગ્ર તપ કર્યું પણ હૈયે શલ્ય રાખી આ તપ કર્યું હતું તેથી તેમનો આત્મા વિશુદ્ધ ન થયો, અને આર્તધ્યાનમાં તે કાળધર્મ પામ્યા, અને અનેક ભવો કરતાં કરતાં આવતી ચોવીસીના પ્રથમ તીર્થંકર શ્રી પદ્મનાભ પ્રભુના તીર્થમાં મુક્તિને પામશે.

જૈન શાસનના ચમકતા સિતારા

વિમલગિરિ જાત્રા નવ્વાણું કરીયે

➖➖➖➖➖➖➖➖➖

આજે ફાગણ સુદ આઠમનો મહાન પવિત્ર દિવસ છે..

આજના દિવસે પહેલા તીર્થંકર પ્રભુ શ્રી આદિનાથ ઘેટીના પગલાથી નવાણું પૂર્વના જેટલા વરસ થાય, તેટલીવાર ઉપર રાયણવૃક્ષ તલે પધાર્યા હતા. દેવોએ ત્યાં સમવસરણની રચના કરી હતી. પ્રભુએ અમૃત વરસી દેશના આપી હતી. અનેક ભવ્ય જીવોએ એ ઉત્તમ દેશના શ્રવણ કરીને પોતાના જીવનને ધન્ય બનાવ્યું હતું.

ચોરાશી લાખ વરસનું એક પૂર્વાંગ થાય...  ચોરાશી લાખ પૂર્વાંગનું એક પૂર્વ થાય...એના એક પૂર્વમાં ૭૦,૫૬,૦૦,૦૦,૦૦,૦૦,૦૦ (સીત્તેર લાખ અને છપન્ન હજાર કરોડ) વરસ થાય, એને નવાણુંથી ગુણીયે એટલી વાર પ્રભુજી શ્રી સિદ્ધગિરિરાજ ઉપર પધાર્યા હતા.

જિહા ઓગણોત્તેર કોડાકોડી,

તિમ પંચાસી લાખ વલી કોડી,

ચુમાલીશ સહસ કોડી,

સમોસર્યા જિહાં એતીવાર,

પૂર્વ નવાણું એમ પ્રકાર,

નાભિનરિંદ મલ્હાર...

૬૯,૮૫,૪૪,૦૦,૦૦,૦૦,૦૦,૦૦ એટલી વાર પ્રભુજી પધાર્યા, પ્રભુજીની એ યાત્રાની સ્મૃતિ નિમિત્તે ભાવિક જીવો, ‘૬’ રી પાલતા નવાણું યાત્રા કરે છે.

નવાણું યાત્રામાં રોજ એક જ વાર ચાલીને ઉઘાડા પગે અને માથે જયણા પૂર્વક યાત્રા પાંચ ચૈત્યવંદન પૂર્વક કરવાની હોય છે.

૧.તલેટીએ ૨.શ્રી શાંતિનાથ પ્રભુના મંદિરે ૩.રાયણ પગલા પાસે ૪.શ્રી પુંડરીકસ્વામી સામે ૫.મૂળનાયક પાસે... આ પાંચ ચૈત્યવંદન અવશ્ય કરવા જોઈએ..

વૈરાગ્ય, જયણા, સમતા, સમાધિ, સંવર વધારતા રહે, તેમની યાત્રા સફળ થાય.

૧. એકાહારી ૨. પાદચારી ૩. ભૂમિસંથારી ૪. બ્રહ્મચારી ૫. સચિત્ત- પરિહારી  ૬. શુદ્ધ સમકિતધારી આ ‘૬ ’રી બરાબર પાલતા નવાણું યાત્રા કરે તેમનું જીવન સફળ થાય...

આ ભવમાં ખૂબ શાંતિ રહે..મરતા જરાય ચિંતા કે અસમાધિ ન રહે..આર્તધ્યાનના ત્રેસઠ ભેદમાંથી એકે ન રહે...આવતા ભવે વૈમાનિક થાય..ત્રીજા ભવે, આર્યમાનવ થાય..નાની ઉંમરમાં દીક્ષા લે...કેવલજ્ઞાન પામે....હજારો લાખોને ધર્મ પમાડે...પછી બધા કર્મ ખપાવીને મોક્ષના શાશ્વતા સુખ અનુભવે...🙏

પૂ.આ.ભ.શ્રી વિજય માનતુંગસૂરિ સાહિત્ય સંગ્રહને આધારે.. 

🏵️ શ્રી શત્રુંજય તીર્થની આરાધનાનું ફળ

...

૧) ધરમાં બેઠા શત્રુંજયનું ધ્યાન ધરે તો ૧ હજાર પલ્યોપમના પાપ કર્મો નાશ પામે છે.

૨) શત્રુંજય તીર્થયાત્રા ન થાય ત્યાં સુધી અમુક ઇષ્ટ વસ્તુ ન ખાવી તેવો અભિગ્રહ કરે તો ૧ લાખ પલ્યોપમના પાપ કર્મો નાશ પામે છે.

૩) શત્રુંજયની યાત્રા કરવા ઘરેથી નીકળે તો ૧ સાગરોપમના પાપ કર્મોનો નાશ થાય છે.

૪) શત્રુંજય મહાતીર્થ ઉપર ચડી શ્રી મૂળનાયક દર્શન કરે તો ર સાગરોપમના પાપ કર્મોનો નાશ થાય છે.

૫) તીર્થનાયકની પૂજા-સ્નાત્ર કરતાં ૧ હજાર સાગરોપમના પાપ કર્મોનો નાશ થાય છે.

૬) શત્રુંજય તીર્થની યાત્રા કરવાની ભાવનાથી સિદ્ધગિરિ તરફ જતાં દરેક ડગલે હજાર ભવ કોટીના પાપ કર્મોનો નાશ થાય છે.

૭) અન્ય તીર્થે પૂર્વ ક્રોડ વર્ષ આરાધના કરતાં જે ફળ પ્રાપ્ત થાય તેટલું ફળ શત્રુંજય તીર્થ પર નિર્મળ ભાવે માત્ર ૪૮ મિનિટની આરાધનાથી પામી શકાય છે.

૮) શ્રી શત્રુંજય તીર્થને વંદન કરવાથી સ્વર્ગ, પાતાળ અને મનુષ્યલોકમાં જે કોઇ તીર્થ છે તે સર્વના દર્શન યાત્રાનું ફળ પ્રાપ્ત થાય છે.

૯) અન્ય તીર્થોમાં ઉગ્ર તપ કરવાથી અને શુદ્ધ બ્રહ્મચર્ય પાળવાથી જે ફળ મળે તેટલું ફળ શત્રુંજયગિરિમાં માત્ર રહેવાથી મળે છે.

૧૦) અન્ય તીર્થે ૧ ક્રોડ મનુષ્યને ઇચ્છિત ભોજન આપવાથી પ્રાપ્ત થતું ફળ આ તીર્થમાં ૧ ઉપવાસ કરવાથી પ્રાપ્ત થાય છે.

૧૧) શ્રી શત્રુંજય તીર્થ ઉપર કૃષ્ણાગરૂ આદિ ધૂપ ૧૫ ઉપવાસનું, બરાસનો ધૂપ કરવાથી ૩૦ ઉપવાસનું અને સાધુ સાધ્વીજી ભગવંતને વહોરાવવાથી કેટલાયે માસક્ષમણનું પુણ્ય પ્રાપ્ત થાય છે.

स्तवन, भक्ति गीत

आ तारी मूर्तिना स्पर्श थी

 मुज देहने शाता मले

 तुज नेत्रनी 👁️अमीधार थी

 मुज नयन मां अमृत झरे

 तुज चरणनां 👣आशिष थी

 मुज आत्मने शांति मले ...2

 बस एटलु हुं मांगु छं

 भवोभव तारू शासन मले ...2

तारुं मारुं मारुं तारुं करी

जीवन ऐले जाय छे

मोह माया ने स्वारथ थकी

आ जीवन चाल्युं जाय छे

समता सरलता ने समाधि

आत्मने जल्दी मले ...2

बस एटलु हुं मांगु छु

भवोभव तारू शासन मले ...2

आ विश्वना🌏 तारक तमे

आ सृष्टिना पालक तमे

अंधकारमय मुज जीवनमां

रूप तेज फेलावक तमे

कुकर्मोनां मारक तमे

आ जगत उद्धारक तमे ...2

बस एटलु हुं मांगु छुं

भवोभव तारू शासन मले ...2

हवे तुज एक आधार छे

हवे तुं मारो सथवार छे

मारा जीवननी आश छे

मारा हृदयनो 💖 श्वास छे

हवे छे विनंती एटली

मने शिवगति पहोंचाड जे ...2

तुज हाथ 🙌🏻 मुजपर राखजे

तुज स्थान मुजने आपजे ...2

मारुं जीवन सोप्युं तने

तुं तारजे उगारजे 

तारुं स्मरण📿तारुं रटण 

तारुं शरण मने आपजे

तारा विना नां गमे करुणा

सिद्धशिला थी वरसावजे ...2

तुज हाथ 🙌🏻 मुजपर राखजे

तुज स्थान मुजने आपजे ...4                                

🌹🌿🌹🌿🌹🌿🌹🌿🌹🌿🌹

❀•••••••••~•❀